Ilir Meta i ka dërguar një mesazh Edi Ramës, duke e quajtur kryeministrin “zemërlepur”. I pyetur nga gazetarët, Meta filloi të mburrej teksa tha se: “e kap demin prej brirësh dhe e plas përdhe”, njëlloj siç ka bërë edhe në të kaluarën.
Më tej, Ramës i tregoi dhe përballjen me drejtësinë kur tha se do të ketë në të ardhmen mjekun te koka dhe policin te dera, pasi do të dënohet me ligjet që ka votuar vetë. 

"Unë e kap demin prej brirësh dhe e plas përdhe, dhe e bëj vetë siç e kam bërë edhe në të kaluarën ndërsa ti je një zemërlepur dhe hiq dorë nga raportet e tua me bandat kriminale në vend për të goditur opozitën dhe për të inskenuar krime politike. Do ta kesh mjeken te koka dhe policin te dera. Asnjë hakmarrje, por vetëm një zbatim i ligjeve të tua për firmat që ke hedhur”, tha Meta.